افغانستان کیخلاف کامیابی، وہاب ریاض کی قومی ٹیم کو مبارکباد
مشیر کھیل پنجاب اور قومی کرکٹ ٹیم کے سابق فاسٹ باؤلر وہاب ریاض نے قومی کرکٹ ٹیم کو افغانستان کیخلاف دوسرے ون ڈے انٹرنیشنل میں کامیابی پر مبارکباد پیش کی ہے۔
مشیر کھیل پنجاب وہاب ریاض کا کہنا تھا کہ زبردست اور سنسنی خیز مقابلے کے بعد افغانستان کو شکست بہترین کامیابی ہے، نسیم شاہ نے میچ وننگ اننگز سے جیت میں اہم کردار ادا کیا۔
یہ بھی پڑھیں۔ دوسرا ون ڈے، پاکستان کی افغانستان کو 1 وکٹ سے شکست
وہاب ریاض کا کہنا تھا کہ امام الحق، بابر اعظم اور شاداب کی بلے بازی بہترین رہی، ایشیاء کپ کی تیاری کے لئے افغان سیریز مدد دے گی۔
ان کا مزید کہنا تھا کہ امید کرتا ہوں پاکستان ایشیاء کپ میں کامیابی حاصل کرے گا۔
یاد رہے کہ پاکستان کرکٹ ٹیم نے دوسرے ایک روزہ بین الااقومی میچ میں افغانستان کو سنسنی خیز مقابلے کے بعد ایک وکٹ سے شکست دی، نسیم شاہ نے آخری اوور کی پانچویں گیند پر چوکا لگا کر ٹیم کو کامیابی سے ہمکنار کرایا۔
Readmore