ہمیں کالعدم ٹی ٹی پی کی طرف سےطاقتور اورمہلک خطرے کا سامنا ہے، مسعود خان
امریکہ میں پاکستان کے سفیرسردارمسعودخان نے کہا ہے کہ ہمیں کالعدم ٹی ٹی پی کی طرف سےطاقتور اورمہلک خطرے کا سامنا ہے، دہشتگردامریکی افواج کےچھوڑے گئےجدید ترین ہتھیاروں اورسازوسامان سےلیس ہیں، ہم دہشتگردی کی اس لہراور اس کے نیٹ ورک کوختم کردیں گے۔
ہیوسٹن میں تقریب سے خطاب میں سردارمسعودخان نے پاک امریکاتعلقات پروزیرخارجہ بلنکن کےبیان کا خیر مقدم کرتے ہوئے کہا کہ اقتصادی شراکت داری پاک امریکا تعلقات میں بہت اہم ہے، دونوں مل کرخطےمیں امن واستحکام کیلئےکام کرتے رہیں گے، دوطرفہ اور کثیرالجہتی فورمزپرانسانی حقوق مشترکہ اقدارکو فروغ دیا جائے گا ۔
مسعود خان کے مطابق حالیہ مذاکرات میں دونوں ملکوں نےعلاقائی وعالمی خطرات کے مقابلےکا عزم کیا، ہمیں کالعدم ٹی ٹی پی کی طرف سےطاقتوراورمہلک خطرے کا سامنا ہے، دہشتگردامریکی افواج کےچھوڑے گئےجدید ترین ہتھیاروں اورسازوسامان سےلیس ہیں، ہم دہشتگردی کی اس لہراور اس کے نیٹ ورک کوختم کردیں گے،پاکستان کی استعداد کاربڑھانے کیلئےامریکی انسداددہشتگردی پروگرام ضروری ہے۔
مسعود خان نے کہا افغانستان کا استحکام پاکستان اورامریکہ کیلئےاہم ہے،پاکستان نے نےاپنےاورافغان کابینہ کےساتھ براہ راست امریکی رابطوں کاخیرمقدم بھی کیا ہے۔
سردار مسعود خان کے مطابق امریکا بدستور پاکستان کیلئےواحد سب سے بڑی برآمدی منڈی ہے، سرمایہ کاروں کیلئےخصوصی سرمایہ کاری سہولت کونسل قائم کردی ہے۔
Readmore