نگران وزیراعظم کیلئے پانچ ناموں کا انتخاب کرلیا ،وزیر دفاع خواجہ آصف

via Samaa - Latest News

وزیر دفاع خواجہ آصف نےکہا ہے کہ دو بڑی اتحادی جماعتوں نے نگران وزیراعظم کیلئے پانچ ناموں کا انتخاب کرلیا ہے۔

ایک انٹرویو میں انہوںنے کہا کہ یہ پانچ نام ابھی صرف مسلم لیگ ن اور پیپلزپارٹی کے درمیان ہیں، دونوں جماعتیں سیاستدان کو نگراں وزیراعظم بنانے کے حق میں ہیں۔

انہوںنے اُمید ظاہر کی ہے کہ ایک ہفتے میں کسی ایک نام کو فائنل کرلیا جائے گا جس کے بعد دیگر اتحادیوں سے بھی مشاورت کی جائے گی ۔

حتمی فیصلہ پی ڈی ایم سربراہ مولانا فضل الرحمان سے مشاورت کے بعد کیا جائے گا، جس کے بعد دو یا تین اگست کو وزیراعظم کی اپوزیشن لیڈر راجہ ریاض سے بھی ملاقات متوقع ہے۔

Readmore