جے آئی ٹی نے کا زمان پارک لاہور جاکر تفتیش کرنے سےانکار کردیا

via Samaa - Latest News

اسلام آباد پولیس نے جے آئی ٹی زمان پارک لاہور بھیج کر چیئرمین تحریک انصاف سے تفتیش کرنے سے انکار کردیا۔

خیال رہے کہ اسلام آباد ہائیکورٹ نے چیئرمین تحریک انصاف کو شامل تفتیش ہونے کا حکم دے رکھا ہے ، ان کے خلاف اسلام آباد میں 7 مقدمات درج ہیں ۔ ان میں شامل دہشت گردی کے 4 مقدمات میں جے آئی ٹی کے سامنے پیش ہونا لازم ہے ۔

ذرائع کے مطابق وفاقی پولیس نے تحقیقاتی ٹیم عمران خان کی رہائش گاہ زمان پارک لاہور بھیج کر چیئرمین تحریک انصاف سے تفتیش کرنے سے انکار کردیا۔اورایک بار پھر چیئرمین پی ٹی آئی کو طلب کرتے ہوئے یاددہانی کے سمن بھجوا دیئے۔

چیئرمین پی ٹی آئی کو اب تک 31 سمن بھجوائےجا چکے ہیں ۔ اسلام آباد پولیس نے زمان پارک لاہور جا کر تفتیش کرنے کے بجائے نئے سمن بھجوا دیئے ہیں کہ وہ خود آ کرجے آئی ٹی کے سامنے پیش ہوں ۔

Readmore