پاکستان تحریک انصاف نےحکومت پر سیاسی کارکنوں پرتشدد اورانسانی حقوق کی ورزیوں کا الزام عائد کرتے ہوئے عالمی تنظیموں سے رابطےشروع کر دیئے ہیں۔
تحریک انصاف کا خط
پی ٹی آئی کی رہنما شیریں مزاری نے اقوام متحدہ کے خصوصی نمائندے ڈاکٹرایلس جل ایڈورڈز کو حکومت کی جانب سےسیاسی کارکنوں پرتشدد اورانسانی حقوق کی ورزیوں کا الزام عائد کرتے ہوئے خط لکھ دیا ہے۔
شیریں مزاری نے خط میں لکھا ہےکہ حکومت کی جانب سے انسانی حقوق کی خلاف ورزیاں کی جا رہی ہیں۔
خط میں عمران خان کی رہائشگاہ پر پولیس کی کارروائی، کارکنان کی پکڑ دھکڑ، ظل شاہ کی پوسٹمارٹم رپورٹ اورمرکزی سینئر نائب صدر پی ٹی آئی ڈاکٹر امجد نیازی پر تشدد کے مناظربھی بھجوائے گئے ہیں۔
