لاہور میں گھریلو تنازع پر بھائی نے بھائی کو قتل کردیا

via Samaa - Latest News

لاہور کے علاقے بیدیاں روڈ کے قریب گھریلو لڑائی جھگڑے پر بھائی نے بھائی کو قتل کردیا، واردات کے بعد ملزم فرار ہوگیا، پولیس نے آلۂ قتل برآمد کرلیا۔

پولیس کے مطابق لاہور کے علاقے بیدیاں روڈ کے رہائشی بھائیوں معاذ اور مصعب میں اکثر جھگڑا رہتا تھا، آج معاذ نے تیز دھار آلے سے گلا کاٹ کر اپنے بھائی مصعب کو قتل کردیا۔

پولیس کا کہنا ہے کہ واقعے کے بعد ملزم موقع سے فرار ہوگیا، آلہ قتل برآمد کرکے لاش مردہ خانے منتقل کردی گئی ہے۔

پولیس کا کہنا ہے کہ واقعے کا مقدمہ درج کرکے ملزم کی گرفتاری کیلئے چھاپے مارے جارہے ہیں۔

Readmore